یہ ویب سائٹ ہماری طرف سے عظیم صوفی بزرگ حضرت شاہ بدر دیوان رحمتہ اللہ علیہ،ان کی اولاد،ان کے زیر سایہ سادات مسانیاں اور سر شارا ن محبان و مریدین کے لیے ایک چھوٹا سا نذرانہ ہے- یہ عظیم شخصیت حضرت غوث الاعظم رحمۃ اللہ علیہ کے گھرانے میں 861 ہجری بمطابق 1457 عیسوی میں بغداد شریف میں پیدا ہوئی بعد ازاں حضرت شاہ بدر دیوان رحمۃ اللہ علیہ لاہور تشریف لے آئے ،لاہور میں کچھ سال قیام کے بعد مسانیاں تشریف لے گئے اور اپنی ساری زندگی مسانیاں میں مقیم رہے ، ان کا شمارہند میں سلسلہ قادریہ کے اولین بزرگان دین میں ہوتا ہے

آپ کا وصال 978 ہجری بمطابق 1570 عیسوی کو مسانیاں میں ہوا لاہور میں ان کی چلہ گاہ اور مسانیاں میں عظیم بارگاہ نے صدیوں سے ان کی زندگی کا جشن منایا ہے۔ویب سائٹ کے آغاز پر ہی یہ بات بڑی تکلیف دہ طور پر واضح ہو گئی کہ ہم اتنی عظیم شخصیت کے بچوں نے نسل در نسل اپنا کردار صحیح طور پر ادا نہیں کیا جب ان کی عظیم یادگاریں ان کی زندگی کا جشن منا رہی تھیں ہم اس میں شامل ہونے میں ناکام رہے۔ ہم اپنی ماضی کی غلطیوں کو سدھارنے کی کوشش کر رہے ہیں۔ ہم آپ کو ایک پلیٹ فارم پیش کر رہے ہیں جو تاریخی حقائق کی بنیاد پر گہری تحقیق کرنے میں معاون ثابت ہوگا

ہم حقائق کو تلاش کریں گے اور علم کا ایک ایسا خزانہ بنائیں گے جو ہمارے بچوں اور آئندہ آنے والی نسلوں کے لیے ہمارا ورثہ ہوگا۔ابھی تک یہ صرف ایک ڈھانچہ بنایا گیا ہے ہمیں مشترکہ طور پر اس کام کو مکمل کرنے کی ضرورت ہے تحقیق شروع ہو چکی ہے لیکن اور بھی بہت کچھ ہے جو کرنے کی ضرورت ہے۔ یہ سلسلہ ایک طویل وقت لے گا اور انشاءاللہ جاری رہے گا ۔ہم تحقیق جاری رکھیں گے۔ ایسا کام کسی ایک فرد یا گروہ کی استطاعت سے باہر ہے ہم سمجھتے ہیں کہ ہر شخص پورا وقت نہیں دے پائے گا لیکن پھر بھی آپ اس کار خیر میں مدد کر سکتے ہیں آپ تحریری شکل میں فکری تعاون کر کے مدد کر سکتے ہیں آپ اس منصوبے میں اخلاقی مدد کر سکتے ہیں۔ ویب سائٹ میں شامل ہو کر اپنی بھرپور حمایت کا اظہار کریں اور دکھائیں کہ اپ بھی اس نیک کام کا حصہ ہیں

شکریہ